Türkiyədən ilk reaksiya: Almaniyadakı səfir geri çağırıldı

Almaniya Bundestaqının 1915-ci il hadisələrini soyqırım olaraq tanımasına Türkiyədən ilk reaksiya gecikmədi.
 
Musavat.com "Reuters"ə istinadən xəbər verir ki, Türkiyənin hakim Ədalət və İnkişaf Partiyasının sözçüsü Yasin Aktay sözügedən qətnamə ilə bağlı hökumətin ilk reaksiyanı açıqlayıb.
 
Məlumata görə, Y.Aktay layihənin təsdiqlənməsinin Türkiyə-Almaniya münasibətlərinə ciddi zərər verdiyini vurğulayıb.
 
Son məlumata görə, Türkiyə Almaniyadakı səfiri Hüseyn Avni Qarslıoğlunu Ankaraya çağırıb.
 
Qeyd edək ki, Türkiyənin sərt şəkildə etiraz etdiyi qanun layihəsinin təsdiq olunduğu iclasa Almaniya kansleri Angela Merkel qatilmayıb.