Tanınmış meyxana ustası Hacıqabulda qəzaya uğrayıb

Tanınmış meyxana ustası Rəşad Dağlı Hacıqabulda qəzaya uğrayıb
APA-nın Mil-Muğan bürosunun məlumatına görə, səhər saatlarında Bakı-Qaza yolunun Hacıqabul şəhəri ərazisində baş verən yol qəzasında 2 nəfər xəsarət alıb.
“Prado” markalı 10 TT 011 dövlət nömrə nişanlı avtomobil beton dirəyə çırpılaraq aşıb.
Nəticədə avtomobildə olan meyxana ustası Bakı şəhər sakini, 1984-cü il təvəllüdlü Əmirov Rəşad Vaqif oğlu (Rəşad Dağlı) və Bülbülə sakini, 1985-ci il təvəllüdlü Hüseynov Nicat Adil oğlu müxtəlif dərəcəli xəsarətlərlə Şirvan şəhər xəstəxanasına yerləşdiriliblər.
Xəstəxanadan APA-ya verilən məlumata görə, Rəşad Dağlının qolu sınıb. Onun həyatına təhlükə olmadığı bildirilir.
Faktla bağlı BDYPİ-də araşdırma aparılır.