Şeyx: "İstəyirsən, 100 qadın saxla, halaldır" VİDEO

 
Savaş zamanı müsəlmanın ələ keçirdiyi qadınlar onun malı, mülkiyyəti sayılır, "cariyə" adlanır. Müsəlman istədiyi qədər cariyə əldə edə bilər, saxlaya bilər. İstəyirsən, 100 belə qadın saxla, halaldır.
 
Özünü "türk şeyx" adlandıran Abdulla Yolçunun 3 il əvvəl çəkildiyi video indi Türkiyədə böyük qalmaqal doğurub. "Guraba Yayınevi" və "Guraba-Der"in banisi ilə sahibi olan Abdulla Yolçunun fikrincə, mömin müsəlman kişi istədiyi sayda cariyə qadın saxlaya bilər.
"Amma bir şərtlə: İslamda müsəlmana yalnız 4 arvad almağa icazə verilir. Dörd arvad, vəssəlam! Cariyələrin sayı ilə bağlı heç bir məhdudiyyət yoxdur. Cariyə yalnız savaşda, yəni Dar ül hərbdə alınır. Almaniyada da olsa, Amerika kimi düşmən ölkədə də olsa, dinc vaxtı qadını cariyə etmək haramdır. O qadın kafir olsa belə... Savaşda isə ayrı məsələ. Savaşda xəlifə var, rəhbər var və sən də o rəhbərin əli altında vuruşarsan, qənimət, qadın əldə edərsən. Bu, caizdir, halaldır. Cariyə ilə nikah şərt deyil, cariyələrin sayı da şərt deyil. Cariyən nə qədər çox olsa, cənnəti görərsən. O biri dünyada cənnət var, hurilər var, amma sən bu dünyada cariələr əldə etsən, cənnəti görərsən", - şeyx Abdulla Yolçu deyib.