​Saxta telefon satan rus fırıldaqçı peyda olub – ALDANMAYIN – VİDEO

 
ARB TV xəbər verir ki, saxta telefonları orjinal adı ilə satan Rusiya vətəndaşı Pyotr Petroviç Şamaxıda bir neçə nəfəri aldadıb.
 
O, özünə məxsus olduğu bildirilən Rusiya dövlət qeydiyyat nişanlı avtomobillə şəhərin müxtəlif nöqtələrində saxta telefonların satışı ilə məşğul olub. O, seçdiyi qurbanlarına uzaq yoldan gəldiyini və avtomobilinə yanacaq almaq üçün belə pulunun qalmadığını, elə bu səbəbdən də telefonu satmaq məcburiyyətində qaldığını bildirib. Telefonun kefiyyəti haqqında məlumatsız olan insanlar da fırıldaqçının bu sözlərinə inanıb və telefonu alıb.
Satılan telefonların saxta sənədləri də olub. Sənəddə qeydiyyat nömrəsi , möhür əks olunub. Ancaq. Satıcı təxminən satış qiyməti 1000-800 manat olan telefonların saxta modelini orjinal adı ilə təqdim edib. Alış-veriş zamanı o telefonu 500 manatdan alıcıya təklif edib daha sonra isə 250-200 manata satıb. Satılan telefonun real satış qiyməti isə 50 manatdır. Bu şəkildə bir neçə nəfər ucuz və kefiyyətli telefon aldığını düşünsə də yanılıb. Alıcılardan biri satışı həyata keçirən şəxsin pasportunun şəklini çəkib. Həmin sənədə satıcının Rusiya vətəndaşı Pyotr Petroviç olduğu görünür. Dövlət Gömrük komitəsi də sərhəddən bu cür telefonların keçirilməsi hallarının artdığını təsdiqləyir. Aldanan şəxslər öz hüquqlarını müdafiə etmək məqsədi ilə polisə müraciyət edəcəklərini də bildiriblər. Hazırda həmin şəxsin harda olduğu məlum deyil.