“Rusiyadan qonaqları qəbul etməyə hazırıq” - Çavuşoğlu

Xəbər verdiyimiz kimi, bu gün Türkiyə və Rusiyanın Xarici işlər nazirləri Soçidə görüşüblər.
 
Moderator.az RİA Novosti-yə istinadən xəbər verir ki, Türkiyə XİN rəhbəri Mövlud Çavuşoğlu rusiyalı həmkarı Sergey Lavrovla görüşdən sonra jurnalistlər qarşısına çıxıb.
 
O, qeyd edib ki, Rusiya prezidenti Vladimir Putinin turizm səfərlərinə qoyulan məhdudiyyətlərin aradan qaldırılması haqda qərarından sonra münasibətlər bir az da qaydasına düşüb:
 
“Bu göstərişdən sonra Rusiyadan gələn qonaqları qəbul etməyə hazırıq. Turizm agentləri və aviakompaniyalar bu istiqamətdə fəaliyyət göstərməlidirlər”.
 
Xatırladaq ki, Çavuşoğlu və Lavrov Qara Dəniz İqtisadi Əməkdaşlıq Təşkilatı XİN başçılarının toplantısında bir araya gəlib.