Rauf Mirqədirov İsveçrədən sığınacaq istədi

 
Vəkil jurnalistin İsveçrə hökumətindən siyasi mühacir statusu almaq üçün müraciət etdiyini bildirib
 
Sentyabrın 16-da ölkədən gedən keçmiş siyasi məhbus, jurnalist Rauf Mirqədirov İsveçrə hökumətinə müraciət edib.
Hurriyyet.org xəbər verir ki, bu barədə vəkil Fuad Ağayev Meydan TV-yə məlumat verib.
Vəkil jurnalistin İsveçrə hökumətinə siyasi mühacir statusu almaq üçün müraciət etdiyini bildirib.
Rauf Mirqədirov martın 17-də Bakı Apellyasiya Məhkəməsinin qərarı ilə azadlığa çıxıb. R.Mirqədirovun vəkili Fuad Ağayev onun haqda bəraət verilməsini istəsə də, məhkəmənin qərarına əsasən Rauf Mirqədirov şərti azadlığa buraxılıb.
R.Mirqədirov 2014-cü ilin 19 aprelində Türkiyədə saxlanılıb və Azərbaycana deportasiya olunub. O, Cinayət Məcəlləsinin 274-cü (dövlətə xəyanət) maddəsi ilə ittiham edilərək 6 il müddətinə azadlıqdan məhrum olunub.