Ramazan ayının yeddinci gününün duası - İmsak və iftar vaxtı

Bu gün Azərbaycanda Ramazan ayının altıncı günüdür.
Ölkə.Az xəbər verir ki, QMİ-nin açıqladığı Ramazan təqviminə əsasən, yeddinci gün üçün imsak vaxtı saat 03:08, iftar vaxtı isə 20:28-ə təyin olunub.
Yeddinci günün imsak vaxtı üçün duasını təqdim edirik:
"Allahummə əinni fihi əla siyamihi və qiyamih. Və cənnibni fihi min həfəvatihi və asamih. Vərzuqni fihi zikrəkə bidəvaih. Bitəvfiqikə ya hadiyəl-muzillin".
Tərcüməsi: "İlahi, mənə bu gün oruc tutmaqda və gecə oyaq qalıb ibadət etməkdə kömək ol. Bu gün məni səhv və nöqsanlardan uzaqlaşdır. Sənin daimi zikrini mənə qismət et. Kömək və yardımına and verirəm, ey yolunu azmışların hidayətçisi!".
İftar duası:
"Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli".
Tərcüməsi: "İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!".
Allah bütün oruc tutanların orucunu qəbul etsin!