Putin müsəlmanları təbrik etdi

Moskvada minlərlə müsəlman Ramazan namazı qılmaq üçün məscidlərə toplaşıb.
Rusiyanın paytaxtı Moskvada minlərlə müsəlman Ramazan bayramı ilə əlaqədar küçələrə çıxıb.
 
ANS PRESS-in məlumatına görə, bayram ənənəsinə uyğun olaraq müsəlmanlar məscidlərdə bayaram namazı qılıblar.
 
Paytaxt küçələrinə toplaşan müsəlmanların təhlükəsizliyini təmin etmək üçün polis əməkdaşları əraziyə cəlb olunub. Artıq Rusiya Müftilər Şurasının (RMŞ) başçısı Ravil Qaynutdin bayram münasibətilə müsəlmanları təbrik edib və birgə bayram namazı qılınıb. Bayram tədbiri sakit şəkildə heç bir insident yaşanmadan başa çatıb.
 
Məlumata görə, Moskva məscidində bayram namazında 60 mindən çox insan iştirak edib. Müsəlmanlar həm məscidin daxilində, həm də həyətində toplaşıblar.
Bu arada Rusiya prezidenti Vladimir Putin müsəlmanları Ramazan bayramı münasibətilə təbrik edib. Putin təbrikini Rusiyada yaşayan müsəlmanlara ünvanlayıb. "Müqəddəs Ramazan bayramı özündə dərin mənəvi məna, imanın möhkəmlənməsi sevincini, mənəvi paklanma və özünümükəmməlləşdirməni ehtiva edir", - deyə Putin təbrikində deyib.
 
O həmçinin bildirib ki, bu bayramı tək zəngin süfrə ilə deyil, eyni zamanda ehtiyacı olanlara diqqət və qayğı göstərməklə qeyd edirlər. Vladimir Putin müsəlmanların Rusiyanın həyatında fəal iştirakının çox əhəmiyyətli olduğunu da deyib: "Onların dövlət və ictimai strukturlarla qarşılıqlı əlaqələri durmadan inkişaf edir. Onlar xeyriyyə, təhsil sahəsində də çox işlər görürlər".
Bu gün Ramazan bayramı münasibəti ilə yüz minlərlə insanın Moskva vilayətindəki məscidlərə toplaşacağı proqnozlaşdırılıb. Bu gün səhər saatlarından başlayaraq müsəlmanlar dualar etmək, bayramlaşmaq üçün məscidlərə toplaşmağa başlayıblar.