Məscidlərdə partlayışlar törədildi - Ölənlərin sayı 69-a çatdı (YENİLƏNDİ)

Əfqanıstanda iki məsciddə törədilən partlayış nəticəsində ölənlərin sayı 69-a çatıb, 100-dən çox insan yaralanıb.
Publika.az xəbər verir ki, partlayışlardan biri paytaxt Kabildə, digəri isə Qor əyalətinin inzibati mərkəzi olan Çaqçaran şəhərində baş verib.
Partlayışları terrorçu-kamikadzelər törədib. Kabildəki İmam Zaman məscidində qadın və uşaqlar daxil olmaqla 39 nəfər həyatını itirib. Qor əyalətində isə 30 nəfər terror qurbanı olub.
***
Əfqanıstanda məscidlərdə törədilən partlayışlar nəticəsində ölənlərin sayı 59-a çatıb, 55 nəfər yaralanıb.
Publika.az "RİA Novosti"yə istinadən xəbər verir ki, bu barədə Əfqanıstan Daxili işlər nazirliyindən bildirilib.
***
Əfqanıstanın paytaxtı Kabildə şiələrə məxsus məscidlərdən birində partlayış törədilib.
Publika.az xəbər verir ki, kamikadzenin özünü partlatması nəticəsində 30 nəfər ölüb, 40-dan çox yaralı var.
Partlayışla bağlı məsuliyyəti İŞİD terror qruplaşması öz üzərinə götürüb.

Загрузка...
Загрузка...