Mənzili qeydiyyatsız olanlara şad xəbər - Video

 
Artıq sadəcə torpaq üzərində mülkiyyət hüququ olanlar tikdirdikləri evi asanlıqla sənədləşdirə biləcəklər. Bununla bağlı Milli Məclisdə komitə səviyyəsində qanuna müvafiq dəyişikliklər qəbul edilib. Amma bir sıra istisnalar da var.
 
Axar.az Xəzərxəbər.com-a istinadla bildirir ki, daşınmaz əmlakın dövlət reyestri haqqında qanuna dəyişikliklər təklif edilir. Parlamentin İqtisadi siyasət, sənaye və sahibkarlıq komitəsi tərəfindən irəli sürülən yenilik tikililərin sənədləşməsi ilə bağlı çətinliklərə son qoya bilər.
 
Müşahidələr göstərir ki, paytaxt Bakıda, xüsusilə ətraf qəsəbə və kəndlərdə torpağa dair mülkiyyət sənədləri olan, amma evə dair sənədləri qaydasında olmayan xeyli ev var. Təklifin verilməsində də məqsəd evlərin qeydiyyat prosedurunu daha da sadələşdirməkdir.
 
Bu zaman sual yaranır ki, bu qayda niyə məhz 2013-cü ildə qədər inşa edilmiş tikililərə aiddir və nə üçün yalnız 12 metr hündürlüyü olan evlərə şamil edilir?