Milyonçu sevgilisini öldürən modelə 15 il həbs cəzası verildi – VİDEO

İngilis sevgilisi, milyonçu Endryu Buşu öldürən slovakiyalı model Mariya Kukuçova 15 il azadlıqdan məhrum edilib.
BAKU.WS məlumat verir ki, ötən gün baş tutan sonuncu məhkəmə prosesində hakim qərarı açıqlayarkən modelin sevgilisinə üç atəş açdığını və onun yerə düşdüyü zaman müdafiəsiz qalmasına acımadığını, sonuncü güllə ilə onu qətlə yetirdiyini bildirib.
Məlum olub ki, Kukuçova ilk atəşi sevgilisinin qoluna, ikinci atəşi beynin yan tərəfinə, üçüncüsünü isə alnının ortasına açıb.
Hakim Kukuçovanın polisləri çaşdırmaq üçün cinayəti törətdiyi tapançanı sevgilisinin sol əlinə qoyduğunu və avtomobilinə minərək, evdən ayrıldığını qeyd edib.