​Kerrinin Əsədlə bağlı ilginc səsyazısı yayıldı

 
ABŞ xarici işlər naziri Con Kerrinin Suriyada mülki şəxslərə hümanitar yardım mövzusunda keçirilən iclasdakı çıxışının audio yazısı mediaya sızıb.
 
Teleqraf.com xarici mediaya istinadla xəbər verir ki, "New York Times"-ın iddiasına görə, Con Kerri xarici diplomatlar və suriyalı fəallarla toplantıdakı çıxışında bildirib ki, Obama administrasiyası Bəşər Əsədə qarşı hərbi əməliyyatların aparılmasına dəstək verməyib: "3-4 nəfər hərbi əməliyyatların tərəfdarı oldu. Təəssüf ki, mən bu məsələdə azlıqda qaldım, uduzdum. İlk gündən mən Əsədə qarşı hərbi gücün tətbiq edilməsinin tərəfdarı olmuşam. Hətta konqres belə əməliyyatlara dəstək vermədi. Hazrıda ancaq İŞİD-ə qarşı avia-əməliyyatlar keçiririk".
 
Kerri onu da qeyd edib ki, ABŞ Suriya məsələsində Rusiya kimi davranmayıb: "Biz Rusiya kimi deyilik. Beynəlxalq hüquqa, çoxluğun qərarına tabe oluruq".