İstanbulda yeni terror aktı: 11 nəfər ölüb, 36 şəxs yaralanıb - yenilənir (FOTOLAR-VİDEO)

Türkiyənin İstanbul şəhərində avtobus dayanacağının yaxınlığında partlayış baş verib, xəsarət alanlar var.
Bu barədə "Report" "RİA Novosti"yə istinadən xəbər verir.
Məlumata görə, partlayış İstanbulun Vezneciler rayonunda baş verib. Hadisə yerinə polis və təcili tibbi yardım maşınları gəlib.
Turaninfo.az Türkiyə mediasına istinadən bildirir ki, dayanacaqda baş verən partlayışda ölənlər var, yaralananların qeydə alınması davam edir. Haber7.com-un yazdığına görə, 2 nəfər ölüb, 8 nəfər yaralanıb.
İlkin məlumata görə, teraktın hədəfi çevik polis alayının əsgərləri olub. Onlar partlayışdan bir neçə saniyə əvvəl avtobus dayanacağının önündən keçiblər. Bununla belə, polisləri daşıyan avtobus da partlayış zamanı zədələnib.
"Yeni Şəfəq" qəzetinin yazdığına görə, terror aktında yeddi polis, 4 mülki vətəndaş həlak olub, 3-ü ağır olmaqla 36 şəxs yaralanıb.
Törədilmiş terror aktıyla bağlı baş nazir Binəli Yıldırımla daxili işlər naziri Əfqan Ala görüşür.