İsrailin parlament komitəsi ‘erməni soyqırımı’nı tanıdı

 
 
İsrail Knessetinin (parlamentinin) Təhsil, mədəniyyət və idman üzrə Komitəsi «erməni soyqırımı»nı tanıdığını bildirib.
 
Virtualaz.org «Ermənistan xəbərləri» portalına istinadən məlumat verir ki, bunu avqustun 1-də komitənin iclasında çıxışı zamanı komitənin sədri Yakov Margi («Şas») deyib.
 
Parlament üzvü Knessetin sədri Yuli Edelşteyni «erməni soyqırımı»nı tanımağa çağırıb.
 
Komitənin bu qərarını dəstəkləyənlərin sırasında deputatlar Zahava Qalyon («Merets»), Dov Hanin («Birləşmiş ərəb siyahısı»), Zuheyr Baalül və Nahman Şay (hər ikisi – «Sionist düşərgəsi») da var.