"İlk həyat yoldaşım alfons idi, kişiliyinə yaraşan hərəkətlər etmədi" - ETİRAF...

 
 
Müğənni Səidə Dadaşova “Günə davam” verilişinin qonağı olub.
 
Sənətçi aparıcı Ülvira Qarayevanın “Sənə belə suallar ünvanlanır: Rəsmi nikahı var? Uşağının atası kimdir? Bunları təsdiqlə” sözlərinə etiraz edib.
 
O bildirib ki, ailəli olub-olmadığı haqda yayılan söz-söhbətlər onu maraqlandırmır:
 
“Təsdiqləmək məcburiyyətində deyiləm. Deyim, camaat bilirsiz ərdəyəm, uşağım yanımdadır? Əqli yerində olan insanlar bilir ki, ərdəyəm. Anormal insanlar başqa cür düşünür.
 
Yoldaşım ilk həyat yoldaşından boşanıb. Bizim övladımız olmazdan əvvəl ayrılıblar. Onun övladı olduğu üçün bir az məhkəməsi uzanmışdı. İndi uşaqları ilə əlaqəsi var. Mən onları öz övladımdan ayırmıram. O birilər də oğlandır. Oğlumu o qədər çox istəyirlər ki, görəndə duz kimi yalayırlar. Bizim evə də gəlirlər. Tətildə tez-tez bizdə olurdular. İndi oxuyurlar, arada-sırada gəlirlər. Heç keçmiş həyat yoldaşı da buna mane olmur. Düşmən deyilik. Dost deyilik, amma bir-birimizin hörmətini saxlayırıq.
 
Evdə kişinin sözü keçər, hər şeyi tənzimləyər. Ev işlərini qadın edər”.
 
Dadaşova oğlu Rafaelin atası ilə rəsmi nikahı olmadığını söyləyib:
 
“Bu dəqiqə gedərəm rəsmi nikaha. Dini kəbin var, rəsmi nikahımız yoxdur”.
 
Səidə Türkiyə vətəndaşı olan ilk həyat yoldaşından danışıb:
 
"Mənim ilk həyat yoldaşım alfons idi. Kişiliyinə yaraşan hərəkətlər etmədi. Məni gözdən salmaq istəyirdi. Deyirdi, Səidəyə 25 min xərclədim. Kreditə aldığı maşın da mənim adıma idi. Mənim kimi yem əlindən çıxdı. Dedi, şantaj edəcəm. Elə bildi qorxub ayrılmayacam. Dedim, get, nə istəyirsən et. Onunla pul xatirinə evlənsəydim, oturardım Türkiyədə. Açıram "Facebook"umu, bütün dostlarıma yazıb. Açıram telefonumu, bütün rəfiqələrimlə danışıb, özü də ağılasığmaz sözlər. Bir dəfə gedib çıxıb bizim uzaq qohumumuza. Onun qardaşı yığıb məni ki, ərinə denən özünü yığışdırsın. Deyirəm nə olub? Deyir ki, xəbərin var mənim arvadıma nələr yazır: Səni alaram, belə olar, elə olar". (Axşam.az)

Загрузка...
Загрузка...