Hacıyev və yaxınlarının evi polis mühasirəsinə alındı

 
Cahangir Hacıyevin və yaxınlarının evi polislər tərəfindən nəzarətə götürülüb.
 
Ölkə.Az xəbər verir ki, bu barədə musavat.com-a C.Hacıyevin yaxınları məlumat verib.
 
Cahangir Hacıyevə hökm oxunduqdan sonra onun metronun “İçərişəhər” stansiyasının yaxınlığında yerləşən mənzili, həmçinin bacısı Əminə Hacıyevaya məxsus Mərdəkandakı bağ evi və anasından miras qalan evinin ətrafına polislər toplaşıb.
 
C.Hacıyevin yaxınları bunun səbəbini bilmədiklərini deyirlər.
 
İlkin ehtimala görə, bu əməliyyat əmlakın müsadirə olunması ilə bağlıdır.
 
Qeyd edək ki, Cahangir Hacıyev məhkəmənin qərarı ilə bu gün 15 il müddətinə azadlıqdan məhrum edilib.