​Dubay şeyxi iş yerində tapmadığı 9 məmuru işdən qovdu

Birləşmiş Ərəb Əmirliklərinin baş naziri və Dubayın əmiri Şeyx Məhəmməd doqquz yüksək vəzifəli məmuru işdən qovub.
Bu barədə "TJ” nəşri məlumat yayıb.
Bazar günü şeyx Məhəmməd dövlət müəssisələrində, eləcə də Torpaq və İqtisadi inkişaf departamentlərində, Dubay aeroportunda gözlənilməz yoxlama keçirib. Bir çox müsəlman ölkələrində olduğu kimi, BƏƏ-də əsas istirahət günü cümə günüdür, iş həftəsi isə bazar günündən başlayır.
Bir sıra ofislərdə olan Şeyx Məhəmməd bəzilərinin iş yerlərinin boş olduğunu görüb. Şeyx Məhəmmədin səfərinin foto və videosunu paylaşan Dövlət xidmətinin rəhbəri Xəlifə Səidin sözlərinə görə, yüksək vəzifəli məmurlar iş yerində olmayıb.