Corc Buşun İran xahişini rədd etdik - Əsəd

 
Bizim hakimiyyətdən getməyimiz və yerimizə oyuncaq hökumətin gəlməsi ölkənin Qərbə təslim edilməsi deməkdir.
 
Axar.az xəbər verir ki, bunu İran mətbuatına açıqlamasında Suriya Prezidenti Bəşər Əsəd söyləyib. Onun sözlərinə görə, bu gün Suriya terrorla mübarizənin mərkəzinə çevrilib:
 
“Bu gün Suriyada baş verənlər dünyanın siyasi planına təsir edəcək. Biz xalqımız və milli maraqlarımız üçün savaşırıq. Əgər Allah səninlə birgədirsə, o zaman heç nədən qorxmağa dəyməz. Əgər Allah bu ölkənin yox olmasını təqdir etsəydi, indiyə qədər Suriya adlı bir ölkə qalmazdı.
 
İran Qərbi Asiyanın ən önəmli ölkəsidir. Corc Buş o dövrün Fransa Prezidenti Nikola Sarkozinin vasitəsilə bizə İran liderini Qərbin planını qəbul etməsi və bütün uran bazalarını onlara verməsi üçün razı salmağımızı istədi. Biz bunu rədd etdik. ABŞ İkinci Dünya savaşından indiyə qədər ancaq ölkələrin məhvi ilə məşğuldur. Obama hakimiyyətdə olduğu müddət ərzində heç bir ölkə ilə savaşmayacağını dedi, amma əvəzində nə oldu? Amerika dünyada olan bütün savaşlara qarışdı”.