Binəqədi niyə sonuncu yeri tutdu? - Statistika

Baxış sayı: 
158

 
Statistika İdarəsi Bakı şəhəri üzrə 2017-ci ilin yanvar-oktyabr aylarında işçilərin orta aylıq nominal əməkhaqqına görə hesabatı açıqlayıb. Hesabat dövrü üzrə siyahı tərkibində olan işçilərin sayı və işçilərin orta aylıq nominal əməkhaqqının səviyyəsi əvvəlki ilin müvafiq dövrünə nisbətən artıb. Göstəricilərə görə, işçilərin orta aylıq nominal əməkhaqqının səviyyəsi 6,7% artaraq 782,9 manat olub.
 
Bu barədə Axar.az-a danışan Dövlət Statistika Komitəsinin informasiya və ictimaiyyətlə əlaqələr şöbəsinin rəhbəri Rafael Süleymanov bildirib ki, orta aylıq əməkhaqqının statistikasında hansısa rayonun aşağı göstəricisi həmin rayon ərazisindəki iş yerlərinin sayca az olması demək deyil:
 
“Burada heç bir bölgü aparılmır. Sadəcə, Bakı şəhəri ərazisindəki rayonlarda yerləşən müəssisələrin nəticələri yığılır və hesabat hazırlanır”.
 
İqtisadçı Samir Əliyev isə Bakı şəhəri ərazisindəki rayonlarda orta aylıq əməkhaqlarının dəyişməsinin səbəbini iki amillə izah edib:
 
“Bakı şəhəri ərazisindəki rayonlarda maaşların fərqli olması həm coğrafi şəraitdən, həm də müəssisənin və ya burada görülən işin xarakterindən asılı olaraq dəyişir. Məsələn, İT sahəsində işləyənlər 2000-3000 manat alır, amma müəllimlərin maaşı daha aşağıdır. Bu rəqəm Bakı şəhərindəki rayonlar üzrə olduğu kimi, regionlar üzrə də dəyişir. Bakıda maaşlar rayonlara nisbətən yüksək olduğu kimi, paytaxt ərazisindəki rayonlarda da coğrafi şəraitdən asılı olaraq dəyişir. Adətən bahalı, yüksək maaş verən iş yerləri mərkəzdə və mərkəzə yaxın ərazilərdə yerləşir. Mərkəzdən uzaqlaşmağa başladıqca gəlirlər də azalır. Paytaxt ərazisindəki mərkəzdən uzaq rayonlarda brend mağazalar yerləşmir, olsa-olsa supermarketlər, kiçik mağazalar var. Müxtəlif rayonlar üzrə yerləşən dövlət müəssisələri üzrə maaşların miqdarında hər hansı bir fərq olmasa da, özəl şirkətlərdə bu dəyişə bilir”.
 
Qeyd edək ki, ötən gün açıqlanan statistikada Bakı şəhəri üzrə ən aşağı maaş göstəricisi Binəqədi rayonunda qeydə alınıb.
 
Hesabat dövrü üzrə siyahı tərkibində olan işçilərin sayı və işçilərin orta aylıq nominal əmək haqqının səviyyəsinin dəyişməsi aşağıdakı kimi xarakterizə olunub:
 
2017-ci ilin yanvar-oktyabr aylarında siyahı tərkibində olan işçilərin sayı (nəfərlə)
 
2017-ci ilin yanvar-oktyabr aylarında orta aylıq nominal əmək haqqı (manat)
 
Bakı şəhəri - cəmi *)
 
695 583
 
782,9
 
o cümlədən rayonlar:
 
Binəqədi
 
43 450
 
430,3
 
Xətai
 
62 480
 
831,1
 
Xəzər
 
29 506
 
644,9
 
Qaradağ
 
25 198
 
956,8
 
Nərimanov
 
64 699
 
519,6
 
Nəsimi
 
152 509
 
614,8
 
Nizami
 
44 672
 
668,9
 
Pirallahı
 
7 716
 
1 379,6
 
Sabunçu
 
27 379
 
484,7
 
Səbail
 
114 171
 
1 490,3
 
Suraxanı
 
19 371
 
572,6
 
Yasamal
 
104 432
645,7
 

Загрузка...
Загрузка...