​Azərbaycanda 41 siyasi partiya LƏĞV OLUNA BİLƏR

Azərbaycanda 41 siyasi partiyanın dövlət qeydiyyatı ləğv oluna bilər.
Turaninfo.org xəbər verir ki, dövlət qeydiyyatı ləğv olunma ehtimal olan partiyalar arasında Müsavat Partiyası, Azərbaycan Xalq Cəbhəsi Partiysı, Müasir Müsavat Partiyası, Azərbaycan Kommunist Partiyası, Liberal Demokrat Partiyası, Klassik Xalq Cəbhəsi Partiyası, Gələcək Azərbaycan Partiyası, Azərbaycan Demokrat Partiyası kimi siyasi qurumlar da var.
Ölkədə dövlət qeydiyyatına alınan 55 siyasi partiya var ki, onlarda 45-i Mərkəzi Seçki Komissiyasına 2016-cı il üzrə maliyyə hesabatını təqdim ediblər. Bu partiyalardan 31-nin hesabatı boş olub. Yəni, onların fəaliyyətsiz olduğu göstərilib. Məlum olub ki, dövlət qeydiyyatına alınmış 10 siyasi partiya ümumiyyətlə hesabat təqdim etməyib. 31 partiyanın isə hesabatı boş kağızdan ibarət olub.
Ölkədə fəaliyyət göstərən 55 siyasi partiyadan yalnız 14-ü həqiqətən maliyyə hesabatı təqdim ediblər. Bunlar - Yeni Azərbaycan Partiyası, Milli Dirçəliş Hərəkatı Partiyası, Azərbaycan Sosial Rifah Partiyası, Azərbaycan Sosial Demokrat Partiyası, Böyük Quruluş Partiyası, Ana Vətən Partiyası, Bütöv Azərbaycan Xalq Cəbhəsi Partiyası, Vəhdət Partiyası, Azərbaycan Milli İstiqlal Partiyası, Vətəndaş Həmrəyliyi Partiyası, Azərbaycan Ümid Partiyası, Azərbaycan Demokratik İslahatlar Siyasi Partiyası, Aydınlar Partiyası və Ədalət Partiyasıdır.

Загрузка...
Загрузка...