Almaniyalı deputat: "Ermənilərin Qarabağdan çıxarılması prosesi çox gecikdirilib"

Almaniya Bundestaqının deputatı Mark Hauptmannın Dağlıq Qarabağ bölgəsində atəşkəş rejiminin pozulmasına dair bəyanat yayıb. Bu barədə "Report"a Disporla İş üzrə Dövlət Komitəsinin (DİDK) mətbuat xidmətindən bildirilib.
Bəyanatda bildirilib ki, Ermənistan silahlı qüvvələrinin Dağlıq Qarabağ bölgəsindən çıxarılması prosesi çox gecikdirilib: "Bu, azərbaycanlı məcburi köçkünlərin təhlükəsiz şəraitdə vətənlərinə qayıtmaları üçün zəruridir. Birləşmiş Millətlər Təşkilatının müvafiq qurumları keçmişdə bunu təkrar-təkrar bildirmiş və Azərbaycanın ərazi bütövlüyünün bərpa olunmasını birmənalı olaraq tələb etmişlər.
Almaniya və Avropa İttifaqı Dağlıq Qarabağın işğal altında qalmasına qarşı çıxış edirlər. ATƏT-in Minsk Qrupunun qətnamələri, həmçinin, Birləşmiş Millətlər Təşkilatı, ATƏT və Avropa Şurasının qətnamələri icra edilməlidir.
Biz beynəlxalq partnyorlarımızla sülh prosesini açıq şəkildə dəstkləyirik. Firavanlıq və inkişaf yanız daimi sülh vasitəsi ilə təmin edilə bilər. Bu günlərdə hərbi silahlı toqquşmaların yenidən alovlanması bir daha göstərdi ki, münaqişə hər an yenidən alovlana bilər. Ona görə də regionda bütün tərəflər arasında həll yolunun tapılması üçün davamlı sülh prosesi çox vacibdir”.