Ağamirzə Bayramı öldürən qohumundan danışdı

 
Tanınmış meyxana ustası Bayram Kürdəxanlını avtomobillə vuran adam tanınmış meyxanaçı Ağamirzənin qohumu imiş.
 
Axar.az xəbər verir ki, Ağamirzə Yenicag.az-a xəbəri təsdiqləyib:
 
“Bayramı vuran Emin mənim uzaqdan-uzağa qohumumdur. Kim istəyərdi ki, belə hadisə olsun?! Emin danışır ki, hadisə baş verən zaman maşını yüksək sürətlə idarə etməyibmiş. Bayram qəfildən maşının altına girib, Emin avtomobili qaçırtsa da, xeyri olmayıb. Elə özü də onu xəstəxanaya çatdırıb”.
 
Ağamirzə gecə xəstəxanada Bayramın yanında qaldığını deyib:
 
“Reanimasiyada idi, içəri girdim, qardaşı da mənimləydi. Nə qədər çağırdım ki, Bayram, gözünü aç, yanındayam, eşitmədi. Komadaydı. O boyda türmədə ölməyəsən, gəlib bir maşının altında qalasan. Qismətə bax. Hələ də şokdayam, özümə gələ bilmirəm”.

Загрузка...
Загрузка...