ABŞ-ın neft ehtiyatı hamını təəccübləndirdi

 
Enerji qaynaqları mövzusunda araşdırmalar hazırlayan “Ristad Enerji” şirkəti ABŞ-ın neft ehtiyatları barədə hesabatını təqdim edib.
 
Axar.az xəbər verir ki, şirkət ABŞ torpaqlarında istifadə olunmamış 264 milyard barrel neft olduğunu açıqlayıb. Bu da Səudiyyə Ərəbistanı və Rusiyada olan neft ehtiyatından çoxdur.
 
Şirkət yeni yaradılan texnologiyalar sayəsində neft mühəndisliyinin çox inkişaf etdiyini bildirib:
 
“Son illərdə hazırlanan yeni texnologiyalar sayəsində bir zamanlar əlçatmaz və ya mümkünsüz görünən quyulardan indi neft çıxarılır. Bu, neft iqtisadiyyatında inqilabdır. Texnologiya bütün enerji sahəsində yeni model yaradacaq”.
 
“Ristad Enerji” şirkətinin direktoru Jarand Ristad hesabatı şərh edərkən “10 il əvvəl heç kim dünyanın belə bir vəziyyətə gələcəyini xəyal edə bilməzdi”  deyib.